سۋرەتتى تۇسىرگەن: ۆالەري بۋگاەۆ
وبلىس ورتالىعى تۇرعىندارىن «كۆازار» ساۋدا ءۇيى جانىندا كوپتەن كۇتكەن اشىق دالا جارمەڭكەسى شاقىرادى. اۋىل شارۋاشىلىق جارمەڭكەسى قايتا ورالدى دەپ قۋانىشتى. قالالاردا وبلىس جۇرتشىلىعى قوعامدىق كولىكتەردە تەگىن ءجۇرۋ مۇمكىندىگىنە يە بولادى.
وبلىس ورتالىعىنداعى «سارىارقا» شاعىن اۋدانىندا № 21 جانە № 22 تۇرعىن ۇيلەر, ۇكىمەتتىك ەمەس ۇيىمدار باس قوساتىن «ازاماتتىق اليانس» ءۇيى, ەكىباستۇزدىڭ سولنەچنىي كەنتىندە قايتا قالپىنا كەلتىرىلگەن ۇيلەر پايدالانۋعا بەرىلەدى.
ال, قالاعا قاراستى جاڭااۋىل اۋىلىندا كلۋب, اقتوعاي اۋدانى, قاراوبا اۋىلىندا 2 پاتەرلى تۇرعىن ءۇي, جەلەزين اۋدانى اقتاۋ اۋىلىندا مادەنيەت ءۇيى, تەرەڭكول اۋىلىندا «كۋزنەتسوۆ» ساۋدا ءۇيى اشىلادى.
سونىمەن بىرگە اقتوعاي اۋىلى اباي اتىنداعى ورتا مەكتەبىندە, ۋسپەن اۋدانى قوڭىروزەك اۋىلىندا «رۋحاني جاڭعىرۋ» كابينەتتەرى, شارباقتى اۋدانىنىڭ «رادۋگا» مەكتەپتەن تىس ورتالىعى IT-ورتالىعى وقۋشىلاردى كۇتۋدە.
فاريدا بىقاي,
«ەگەمەن قازاقستان»
پاۆلودار
